Секоја година, особено во зимскиот период, Скопје руши рекорди во загаденост, но освен паушални изјави властите не преземаат никакви конкретни мерки за решавање на овој проблем, оценуваат од Левица.
Деновиве буквално секој ден македонската престолнина во утринските часови е во топ 10 најзагадени градови во светот, а често и број еден на Стариот континент.
„Иако проблемот со загадувањето во Скопје е повеќедецениски, ниту една од партиите кои наизменично се менуваа на власт не направи ништо за намалување на загадувањето, ниту пак понуди трајно решение“, обвинува Левица.
„Советниците на Левица во Советот на Град Скопје поднесоа 4 амандмани на Буџетот за следната година со конкретни мерки за намалувањето на загадувањето и тоа:
- Набавка на еколошки дрва со цел намалување на загадувањето на воздухот;
- Бесплатен јавен превоз за невработените лица - жители на град Скопје;
- Субвениции за граѓани и фирми за набавка на филтри за оџаци;
- Субвениции за набавка на инвертер клими за семејства од социјален ризик.
Ниту еден од овие амандмани не доби подршка од советниците на ДПМНЕ и СДС“, открива Левица за алармантната нефункционалност на Советот на Град Скопје.
„Иритира незаинтересираноста за решавање на овој проблем и на Министерството за животна средина кое наместо да преземе конкретни мерки, дава препораки и насоки што би требало да се направи. ‼️Апелираме до сите надлежни институции и на локално и на централно ниво да престанат со инертноста и незаинтересираноста и да преземат конкретни мерки за намалување на загадувањето во Скопје!“, забршува соопштението на црвената партија.
