Левица: Потребно е категорично отфрлање на предлогот и прекин на преговорите со Бугарија

Францускиот предлог, којшто Владата првично го одби, за сега да биде прифатлив, ги содржи сите негаторски бугарски барања, тврди Левица.

Од политичката партија Левица излегоа со соопштение во кое наведуваат три главни причини зошто францускиот предлог треба да се одбие и го повикаа народот на отпор кон овој предлог.

„Прво, двете страни ќе се произнесат за македонскиот јазик по нивно видување - само за нас јазикот ќе биде македонски, додека Бугарија ќе ја афирмира својата позиција за македонскиот јазик како дијалект на бугарскиот јазик!
Второ, сите барања поврзани со историските прашања кои се содржат во Договорот за добрососедство од 2017 година, стануваат дел од преговарачката рамка - Бугарија ќе ја пишува македонската историја!
Трето, по заслуга на европските партнери, за прв пат се предвидува Бугарија, и другите земји-членки, да можат да ставаат вето на веќе затворени поглавја - ЕУ нѐ става во лавиринт до конечно удоволување на сите апетити на соседите!“.

Со ваквиот предлог Бугарија преку ЕУ наметнува ултиматум за ништење на македонскиот народ и идентитет, велат од Левица. Воедно, велат и дека другите две страни, француската и бугарската, потврдиле дека се работи за истиот предлог кој првично беше одбиен.

„Француската амбасадорка во Бугарија и министерката Генчовска денес со официјални изјави потврдија дека се работи за истиот предлог и дека нема никакви суштински измени во однос на бугарските барања“.

„Алармантна е и денешната изјава на министерот Бујар Османи, кој изјави дека, доколку Владата донесе одлука за одобрување на пакетот, тогаш тој можел веднаш да пристапи кон потпишување на протоколот со Република Бугарија. Ова укажува дека Владата на СДС и ДУИ, во духот на своето владеење на хибриден режим, целосно ќе го заобиколат Собранието и насилнички ќе ја спроведат бугараризацијата по сценариото за Преспанскиот Договор! Не може ништо добро да произлезе од преговори со земја која не признава македонски народ, македонски јазик и македонско малцинство“.

„Не може ништо добро да произлезе од нерамноправни преговори во кои едната страна има можност да ја уценува другата. Ова го покажаа преговорите со Грција и Преспански договор. Република Македонија, под уцена и заплашување неколку пати го менуваше Уставот, се откажа од малцинството во Грција, прифати референца и го смени државното знаме. Тоа сепак не беше доволно, па и покрај добиениот спор пред Меѓународниот суд на правдата, повторно бевме блокирани и уценувани, што доведе до прифаќање на Преспанскиот договор, со кој Македонија, менувајќи го Уставот го смени и уставното име и драстично ги загрози националните интереси и идентитетот на македонскиот народ. Сепак, според грчкото МНР, македонската нација и понатаму е 'измислица на Тито' - што значи нови блокади во идните преговори со ЕУ“.

„Идентичен е спорот со Бугарија. Со прифаќање на овој нацрт-предлог и со евентуалниот старт на преговорите, ние не добиваме ништо друго освен еден бесконечен пат до членство во ЕУ, во кој Бугарија има безброј можности повторно да нè блокира и уценува, дури не ги прифатиме сите неприфатливи услови и гледишта во однос на македонскиот народ, јазик и историја. Затоа и првото барање е да биде променет Уставот. Со прифаќање на овој нацрт-предлог се стимулираат Бугарија и регионалните држави, да продолжат со нецивилизациски барања и напади на правото на македонскиот народ да ја одбере својата судбина!“.

„Идеите за создавање на големи балкански држави на сметка на територијалниот интегритет на Македонија се остаток од минатиот век - тие ја загрозуваат стабилноста и безбедноста на регионот, иако владините чиновници велат дека ова е во насока на нивно подобрување. Натаму води и прифаќањето на шовинистичките уцени содржани во овој нацрт-предлог, замаскирани во прогрес, кој ни се претставува како 'неопходен', за евроатлански интеграции на Македонија, и тоа мора веднаш да запре!“.

„Затоа потребно е категорично отфрлање на предлогот и интен прекин на преговорите со Бугарија веднаш!
Го повикуваме македонскиот народ да се приклучи на сенародниот отпор против оваа антинародна и антидржавна власт!“.

реклама

Роналдо отвори и петти хотел: Луксуз и високи цени, базен, спа и посебна исхрана

Read more

Три раси на кучиња кои најмногу личат на волци

Read more

Тинејџерите сѐ повеќе го напуштаат Facebook

Read more

Тенисер среде натпревар нарача бургер и го изеде

Read more

Македонија

21 година Рамковен договор

Read more

На Табановце и Пелинце за влез и излез од државава се чека околу 2 часа

Read more

На Богородица за излез од земјава се чека половина час

Read more

Кичевецот негативен на тестот за мајмунски сипаници

Read more
 

Вести

Еден загинат и десетици повредени во невреме на фестивал во Шпанија

Читај повеќе

Санкционирани 212 возачи во Скопје, 42 во Битола

Читај повеќе

21 година Рамковен договор

Читај повеќе

На Табановце и Пелинце за влез и излез од државава се чека околу 2 часа

Читај повеќе

Вучиќ, Ковачевски и Рама на 1 септември го отвораат саемот Винска визија на Отворен Балкан во Белград

Читај повеќе

Еден сребрен и два бронзени медали за македонските учесници на информатичката Олимпијада

Читај повеќе

The New York Times: Дали Русија ја користи Србија да поттикне конфликт на Балканот

Читај повеќе

На Богородица за излез од земјава се чека половина час

Читај повеќе

Кичевецот негативен на тестот за мајмунски сипаници

Читај повеќе