Луксузниот бренд на Toyta, Lexus, на своите клиенти во Јапонија, каде што тоа веќе законот го дозволува, им го претстави моделот ES со камери наместо огледала во ретровизорите.
Веќе со години многу произведувачи на автомобили претставуваат концепт за возила кои наместо огледала во надворешните ретровизори имаат камери, меѓутоа засега целото ова се завршуваше на концепти и дизајнерски истражувања, додека сериските модели ги задржуваа конвенционалните ретровизори.
Сега Lexus ја прекина таа пракса, па потрошувачите на моделот ES на јапонскиот пазар, ќе можат да си порачаат продукциски автомобил без класични ретровизори.
Новиот систем се состои од две надворешни камери - секоја од по едната страна од возачката кабина, а сликата се проектира на два екрани од по пет инчи, кои се наоѓаат во предниот и десниот агол од патничката кабина.
Некои од предностите на камерите се подобрата видливост навечер, како и во услови на дожд или снег, поголем агол кој камерите го покриваат, а преку нив се подобруваат и аеродинамичките карактеристики на автомобилот.
Системот е опремен и со технологија за предупредување на други возила од „мртов агол“, која се користеше и досега, но визуелниот сигнал доаѓаше од надворешните огледала, додека сега е на екраните.
Lexus најави дека моделот ES со камери наместо ретровизори ќе започне да се продава во октомври, во Јапонија, а подоцна ќе биде достапен и на некои други пазари.
Исто така, јапонскиот произведувач во иднина понудата ќе ја прошири и на останатите модели од својата гама.
Инаку, сличен систем најави и Audi за својот електричен кросовер E-Tron, кој својата премиера ја има денеска, а Lexus откако прв ја проследи оваа вест вчера, успеа „да биде побрз“ барем неколку часа пред германскиот произведувач.