Јапонскиот премиум произведувач Lexus преку тизер го најави излегувањето на нова лимузина под назив ES.
Новиот модел на Lexus ќе биде конкуренција на BMW Серијата 5, Mercedes E класата, како и на Audi A6, a ќе дебитира во Автомобилскиот салон во Пекинг кон крајот на овој месец.
Тизерот не прикажува многу, освен карактеристичното лого на Lexus на широката предна маска.
Lexus го најавува ES како трансформација на концепт со удобност и луксуз за потрошувачите ширум светот.
ES е базиран на новата TNGA архитектура на Toyota, на која се произведуваат актуелниот Pirus и кросоверот C-HR.
Кога станува збор за моторот, би требало да преовладуваат хибридни агрегати, во однос на тоа дека Toyota се фокусира на оваа технологија.
ES е во понудата на Lexus од 1989 година, тој воедно е и еден од најпродаваните модели на јапонскиот луксузен бренд, веднаш зад SUV моделите RX И NX, најмногу благодарение на популарноста во САД.