Британски политичар тврди дека најдоброто решение за спречување на брзото возење е спроведување на построги и поскапи казни.
Ова е идејата на Филип Дезмонд, британски политичар и член на кабинетот на Министерството за транспорт.
Тој би ги отстранил „лежечките полицајци“ и забавувачи на сообраќајот од улицата затоа што верува дека тие се контрапродуктивни и претставуваат ризик по здравјето и безбедноста на возачите и оние што живеат во близина.
Секој автомобил мора да забави пред нив, а потоа да забрзува зад нив, троши повеќе гориво и испушта повеќе штетни гасови опасни по здравјето на луѓето.
„Воведени се за контрола на брзината, тоа е сосема за пофалба, но му штетат на човековото здравје“, вели Дезмонд.
„Лежечките полицајци“ и другите мерки за „смирување“ на сообраќајот се ставаат на патиштата за да се намали брзината и често може да се најдат пред училиштата за да се заштитат децата.
Дезмонд од округот Корнвол изјави дека сака да се фокусира на поврзаноста и квалитетот на животот и истакна дека сака здрави улици.
Што мислите Вие? Дали со повисоки казни ќе се реши брзото возење во градски средини?
