ЛГБТ знамето се развеа пред многу цркви во Австрија, се бунтуваат против Ватикан

Католичката црква во парохијата Хард е една од многуте во Австрија кои одлучија да го постават знамето на виножитото во знак на солидарност со ЛГБТ заедницата, откако Ватикан минатиот месец објави одлука дека Црквата не може да благословува истополови партнерства.

Моќната канцеларија на Ватикан одговорна за одбрана на црковната доктрина, Конгрегацијата за доктрина на верата (CDF) донесе одлука дека истополовата заедница не може да биде благословена и покрај нејзините „позитивни елементи“.

Канцеларијата напиша дека Бог „никогаш не престанува да ги благословува секое свое дете овој свет... сепак, тој не го благословува и не може да го благослови гревот“.

Ерих Балдауф, свештеник на парохијата Хард, вели дека тој и стотици други свештеници, кои припаѓаат на движењето Свештеничка иницијатива насочено кон реформите, решиле да го постават ЛГБТ знамето за да покажат дека „не се согласуваме со овој застарен став“, и многу други цркви го направија истото.

Набргу откако беше подигнато знамето на виножитото, некој се обиде да го уништи, а минатиот вторник Балдауф со жалење извести дека го нашол запалено.

„Бевме шокирани... нѐ доболи“, рече Балдауф.

Иако сторителот не е фатен и нема докажан мотив, Балдауф истакна дека другите знамиња што се вееле на истото место никогаш не биле допрени.

Неколку дена подоцна беше запалено друго ЛГБТ знаме пред црква, исто така во западната покраина Ворарлберг, а трето беше украдено.

Наспроти впечатокот што може да се добие од ваквите инциденти, истражувањата покажуваат дека австриското јавно мислење е цврсто на страната дека истополовите заедници треба да се третираат еднакво.

Во Австрија, истополовите бракови се легални од 2019 година, а истражувањето спроведено минатата недела покажува дека 64 проценти од Австријците се противат на неодамнешната одлука на Ватикан.

Само 13 проценти се изјасниле дека ја разбираат позицијата на Ватикан.

Австрија сè уште е претежно католичка земја, а Црквата опфаќа нешто помалку од 5 милиони верници во земјата со 8,8 милиони жители.

Сепак, ова покажува нагло опаѓање од деценијата по војната, кога скоро 90 проценти од Австријците припаѓаа на Црквата.

Експертите велат дека разликите помеѓу австриските социјални ставови и религиозните учења за прашања како хомосексуалноста и абортусот придонесуваат десетици илјади да ја напуштат Црквата секоја година.

Удира право во срце

За одлуката на Канцеларијата во Ватикан не се изјасни експлицитно само реформски ориентираната Свештеничка иницијатива. Архиепископот во Виена, кардинал Кристоф Шенборн, рече дека „не е задоволен“ од објавата на Ватикан.

„Пораката пренесена до медиумите ширум светот беше едноставно ‘не’ и всушност ‘не“ на благословот, што погодува многу луѓе право во срце“, објасни тој за католичкиот весник Der Sonntag.

Тони Фабер, свештеник во познатата виенска катедрала Св. Стефан, беше уште поотворен.

„Да ми беше работа да ѝ наштетам на Црквата што е можно повеќе, на две страници ќе го напишев точно истото писмо што го напиша Конгрегацијата за доктрина на верата“, рече тој за списанието Profil.

Фабер смета дека никој од хетеросексуалните парови кои стапуваат во брак „не се лишени од фактот што им давам благослов и на истополовите парови“.

Бискупите го критикуваа Ватикан

Додека некои истакнати германски бискупи го поддржуваа ставот на Ватикан, други го обвинија CDF дека се обидува да ги задуши теолошките дебати активни последниве години меѓу германските католици.

Германска петиција со која се бараше да се игнорира одлуката на CDF ја потпишаа 2.600 свештеници и ѓакони, како и 277 теолози.

Реакцијата во Германија и Австрија зборува за пошироките глобални раседни линии во општествените теми меѓу социјално конзервативните и либералните конгрегации.

Сепак, според језуитскиот свештеник и поранешен шеф на германскиот оддел на Ватиканското радио Бернд Хагенкорд, земјите од германско јазично подрачје исто така имаат „многу посебна теолошка традиција која работи многу независно“ и се помалку подложни на доминантната хиерархија на црквата.

Да се ​​вратиме на Хард. Парохиската црква реши да ги остави остатоците од запаленото знаме на истото место. „Има ефект на крст“, рече Балдауф.

За Велики петок, новото знаме на виножитото уште еднаш гордо се развеа пред црквата, во знак на добредојде на сите верници на Велигден.

реклама

Се појави нов сој на коронавирусот

Read more

Хороскопски знаци на кои ќе им се смени среќата со парите во јули

Read more

Грција во сè поголеми проблеми поради масовниот туризам

Read more

Вреди да вклучите рерна: Најдобриот рецепт за крцкави печени компири

Read more

Свет

Путин ѝ се закани на Јужна Кореја

Read more

Северна Кореја гради ѕид на границата со Јужна

Read more

Трамп предлага зелен картон за странците кои ќе завршат факултет во САД

Read more

Тинејџерка од БиХ киднапирана и силувана во Германија

Read more
 

Вести

Грција во сè поголеми проблеми поради масовниот туризам

Читај повеќе

Путин ѝ се закани на Јужна Кореја

Читај повеќе

Бесплатен паркинг денеска во Центар

Читај повеќе

Притвор за велешанец кој ја претепал мајка си и ѝ се заканувал со нож

Читај повеќе

Планинарска спасителна служба извлече повреден турист во Охридско

Читај повеќе

Посебен режим на сообраќај во Скопје денеска и утре

Читај повеќе

ЦУК: 15 пожари гореле на отворено низ Македонија

Читај повеќе

Северна Кореја гради ѕид на границата со Јужна

Читај повеќе

Трамп предлага зелен картон за странците кои ќе завршат факултет во САД

Читај повеќе