Живот

Lil Miquela: Instagram инфлуенсер која е всушност – робот?

17. август 2018 - 14:31 | Кирил Зарински

Познатите Instagram инфлуенсери обично се луѓе кои постојат, но тоа не е случајот со оваа 19-годишна бразилско-американска девојка. Lil Miquela има преку 1,3 милиони следачи кои можат да ги видат нејзиниот беспрекорен стил, дизајнерската облека која ја носи и селфијата со познати личности. И сето тоа е океј, сѐ додека не дознаете дека таа не е човек, туку робот.

Приказната за Lil Miquela е многу интересна. Таа се раѓа како плод на идејата на Brud – стартап компанија од Лос Анџелес, САД, од страна на креаторите Тревор Мекфедрис и Сара Деку.

Компанијата го создаде овој „виртуелен инфлуенсер“ комбинирајќи веќе постоечки робот со карактеристиките на два вистински Instagram профили: Karstinkle и Emily Bador. Нејзиното „вистинско име“ е Микела Соуса.

 

1-800-LOOKINGFORASUMMERBAE

A post shared by *~ MIQUELA ~* (@lilmiquela) on

Додека е на Instagram, таа се бори за каузи како правата на ЛГБТ заедницата, дел е од движењето Black Lives Matter и ги поттикнува нејзините следачи да донираат пари во добротворни цели. Досега, таа им донесе преку 6 милиони долари на нејзините инвеститори.

Lil Miquela е една од неколкумината фиктивни, виртуелни инфлуенсери кои заработуваат на интернет, но во последниот период таа успеа да ја прошири нејзината дејност на многу повеќе од тоа. Таа почна да прави музика од модерните жанрови како хип хоп, соул, трап и модерен R&B.

Ако се суди според нејзината интернет персона, таа е тренди девојка од Калифорнија која ужива во одењето по клубови, гласни журки и добра музика, а нејзините креатори ја опишаа како „девојка која живее на тенката линија помеѓу социјалните мрежи и вистинскиот живот“.

 

Out of the 3 of us, someone's gotta be able to figure out who bit Beyoncé

A post shared by *~ MIQUELA ~* (@lilmiquela) on

Во иднина, веројатно нејзината улога на социјалните мрежи ќе се прошири и таа ќе инспирира и други компании да работат на слични проекти. Дигиталната ера носи широки полиња на истражување од кои навистина можат да профитираат оние кои ќе се покажат како доволно храбри за ваков проект.

Коментирај