Вашингтон, 23 јули 2019 (МИА) – Демијан Лилард и Демар Дерозан се последните кошаркари кои се откажаа од настапот за репрезентацијата на САД на Светското првенство во кошарка што годинава се одржува во Кина.
Американските медиуми пишуваат дека отсуството на Лилард ќе биде голем удар за новиот селектор Грег Поповиќ, кој требаше да биде негов клучен играч по отказот на Антони Дејвис и Џејмс Харден.
Сепак, според директорот на американската репрезентација Џери Коланџело нема потреба за загрижување, и дека САД и покрај бројните откажувања на кошаркарските ѕвезди има доста таленти кои ќе донесат злато од Светското првенство во Кина.
– Историјата не учи дека отказите се само дел од одреден процес. Благословени сме со многу таленти така што ќе го земеме тоа што ни се нуди“, изјави Коланџело.
