Минатото лето се зборуваше дека Демијан Лилард може да ги напушти Портланд Трејлблејзерс поради фактот дека организацијата од Орегон во претходните неколку сезони немаше квалитетен тим кој би можел да се натпреварува за освојување на титулата на НБА.
„Ќе ви одговарам на прашањето за моето заминување исто како што ви одговарав и досега – не си заминувам од Портланд. Тоа можеби не е лесно да се каже, но нема да го видите моето заминување. Ќе има и тешки моменти, ќе има и лоши натпревари. Ако сезоната започне лошо, јас нема да бидам среќен, но сигурно нема да побегнам од бродот кој тоне и нема да го предадам својот тим“, изјави Демијан Лилард.
Лилард(31) во НБА е од 2012 година. Шест пати беше учесник на ОЛ Стар дуелите, еднаш беше избран во идеалната петорка на НБА(2018), а најдобрата сезона ја одигра во 2019/2020 година кога во просек бележеше 30 поени и 8 асистенции.
Тој е на второто место на вечната листа на кошаркари кои во дресот на Портланд постигнаа најмногу поени во НБА – постигна вкупно 16.815 поени, а прв е легендарниот Клајд Дрекслер со 18.040 поени.
