Листа на најдобрите плажи во Европа за 2024 година
Рангирањето објавено на страницата European Best Destinations ги наведува најдобрите плажи на Стариот континент за 2024 година, а на прво место е идилична дестинација во Малта.
Плажите со златен песок на Алгарве и Канарските Острови, дивите плажи во Грција, речните плажи совршени за семејства, за спортови на вода или уживање - сето тоа е вклучено во листата на страницата European Best Destinations.
„Почестете се со одмор во овие засолништа од чиста природа кои нудат плажи од соништата и можност да се исклучите од светот и повторно да се поврзете со себе. Време е да се ослободите“, наведува оваа страница.
Ова рангирање ги обединува најпопуларните плажи, изгласани од патниците ширум светот.
На прво место е заливот Гхајн Туфиеха во Малта, кој се наоѓа во близина на крајбрежниот град Мелиеха, кој беше награден од Европската комисија за неговата посветеност на одржливиот туризам. Заливот Гхајн Туфиеха, со своите прекрасни карпи и песочна плажа, е совршен избор за вашиот одмор.
Оваа плажа нуди високи стандарди на чистота и услуга со ресторани и снек бар. Достапни се и лежалки и водени активности.
Плажата Монте Клеригу во Алжезур, Португалија е на второто место. Со својот познат замок, кулинарската традиција, но и зачуваната природа и плажите што го одземаат здивот, како што се Амурејра, Бурдејра, Одесејше, Арифана, Монте Клеригу - Алжезур е фантастична дестинација за избор ова лето.
На овогодинешната листа е и Ксамил во Албанија, за кој велат дека чистата вода што ги опкружува овие острови ги прави недопрените плажи во околината уште попосебни.
Листата на топ 15 најдобрите европски плажи за 2024 година гласи:
2. Монте Клеригу, Португалија
3. Олудениз, Турција
4. Канали ту Ерота, Крф, Грција
5. Порто Тимони, Крф, Грција
6. Лас Тереситас, Канарски Острови, Шпанија
7. Одесејше, Португалија
8. Заливот Агиос Павлос, Родос, Грција
9. Ас Катедрајс, Галиција, Шпанија
10. Калпе, Валенсија, Шпанија
11. Порто Кацики, Лефкада, Грција
12. Шалара, Апулија, Италија
13. Градо, Фриули-Венеција Џулија, Италија
14. Ксамил, Албанија
15. Ваи, Крит, Грција
