Живот

Лондон прогласен за најдобра туристичка дестинација

26. март 2019 - 14:09 | Б.С.Б.

Лондон е прогласен за најдобра дестинација во светот, додека Париз, Рим и Крит следат по него. Ова е изборот од анализите на милиони рецензии и оценки на туристи кои го споделиле своето мислење и искуство со TripAdvisor.

Според годинешното гласање на Travellers’Choice, Лондон е прогласен за најдобра дестинација во светот. Победниците се утврдени со помош на алгоритам кој анализирал милиони рецензии и рејтинзи на хотели, ресторани и туристички атракции.

На петтото место е Бали, на шестото место е Пукет. Во десетте најдобри дестинации за 2019 спаѓаат и Барселона, Истанбул, Маракеш и Дубаи.

Минатата година Лондон беше на второто место, а од TripAdvisor велат дека неговиот напредок на листата до првото место е веројатно поврзан со венчавката на принцот Хари со Меган Маркл. Со оглед на тоа што парот го очекува своето прва дете годинава, ништо чудно Лондон да биде најпосакувана дестинација и следната година.

Коментирај