Градоначалникот на Лондон Садик Кан го вклучи првото рамазанско осветлување во Лондон, во самиот центар на градот на Piccadilly Circus.
Ова е првпат еден европски град да биде вака украсен за Рамазан, со инсталација која содржи 30.000 светилки.
Легендарната улица Вест Енд ќе биде осветлена за месецот Рамазан, кој го слават муслиманите, вклучително и самиот градоначалник на Лондон. Припадниците на исламската вероисповед годинава ќе постат од 22 март до 21 април.
Иницијативата беше предводена од непрофитната организација Ramadan Lights UK, која се собра да ја постави изложбата преку јавни донации.
„Како дете, патувањето во центарот на Лондон за да ги видам празничните светла беше годишно задоволство. Јас и сестра ми лежевме во автомобилот и ги гледавме светлата низ подвижниот покрив. Беше магично“, изјави основачот на организацијата, Ајша Десаи.
Градот е украсен со пораки за среќен Рамазан, со светкави месечини и ѕвезди, додека избраниот концепт ги прикажува промените на месечината во текот на месецот Рамазан.
