Нов Зеланд уште еднаш ќе профитира од хобити, џуџиња и самовили, бидејќи токму таму ќе се снима серијата „Lord of the Rings“.
Станува збор за серија на која работи студиото Amazon, а која со буџет од милијарда долари е најскапа во историјата. И трилогијата беше снимана на Нов Зеланд, што на земјата ѝ донесе голем профит. Amazon пред две години ги откупи правата за снимање ТВ-серија според класикот на Толкин.
Веста ги воодушеви луѓето во Нов Зеланд.
„Ова е фантастична вест за филмскиот сектор на Нов Зеланд и за нашата економија“, вели новозеландскиот министер за економски развој.
Филмовите за хобити снимени на Нов Зеланд придонесоа земјата да ја посетат повеќе милиони луѓе.
