Челси понуди 60 милиони евра за играчот од средниот ред на Атлетико и шпански репрезентативец, Маркос Љоренте. Самиот играч ја одбил понудата, објави на Twitter новинарот, Матео Морето.
Дваесет и седумгодишниот Шпанец за мадридскиот клуб настапува од 2019 година. Неговиот актуелен договор е до 2027 година.
Како дел од Атлетико, играчот од средниот ред стана шампион на Шпанија во сезоната 2020/2021, а играше и во финалето на младинското Европското првенство 2017 година во Полска, кога неговата репрезентација беше во група со Македонија.
Минатата сезона Љоренте запиша 40 настапи за клубот и креираше 3 асистенции, без постигнат гол. Според Transfermarkt, играчот вреди 45 милиони евра.
