Голманот на Тотенхем, Иго Лорис, по дуелот со Лајпциг во првиот натпревар од осмина финалето на Лигата на шампионите (0:1), изјави дека не треба да се бараат оправдувања за поразот. Французинот беше прогласен за најдобар играч на средбата.
„Во последните 20 минути ја поседувавме топката, за разлика од првото полувреме. Лајпциг е многу добар тим, многу енергичен. Имаше некои ситуации во кои можевме да дејствуваме подобро. Ова не е време да се бараат изговори. Ние мора да се бориме до крај. Нема време да размислуваме премногу. Не сме задоволни од резултатот, но сега нема што да направиме. Ајде да создадеме друга приказна, како што направивме минатата сезона“, изјави Лорис.
Тотенхем на овој меч играше драстично ослабен во нападот без повредените Кејн, Сон и Сисоко.