Лоши навики во исхраната поради кои не слабеете, иако се трудите

А.С.
/ 06.09.2021 / 16:05

Ако сте на режим на исхрана, треба соодветно да ги прилагодите и другите околности.

„Многу луѓе знаат што треба да јадат, но честопати се мачат да воведат нови навики во исхраната“, вели нутриционистката Роксана Ехсани, додавајќи дека често гледа фрустрирани пациенти кои внимаваат што јадат, но не губат телесна тежина.

Без разлика дали сте свесни за тоа или не, нездравите навики во исхраната можат многу да влијаат на тоа колку килограми ќе изгубите.

Јадете „од нога“

„Повеќето луѓе сѐ уште работат од дома и се многу поблиску до кујната, но според неодамнешните студии тие сѐ уште не земаат пауза за ручек, а повеќето ќе направат сѐ што е потребно и ќе заборават на појадокот и вечерата за да ја завршат работата што е можно поскоро“, додаде Ехсани.

Ако не јадете на раат, можете да сметате на намалена продуктивност, лошо расположение, но и на чувство на глад во текот на денот.

Прескокнувате оброци

„Најголемата грешка е прескокнување оброци, а многумина го прават ова кога се на диета“, вели нутриционистот Кристен Смит, додавајќи дека многумина не разбираат дека мора да се внесат доволно калории во телото за метаболизмот да функционира нормално, и доколку прескокнете оброк, всушност ќе работи побавно. Покрај тоа, таквата навика може да доведе до силен глад, така што ќе завршите да јадете многу повеќе отколку што сте планирале.

Јадете на биро

Сите сакаме што поскоро да се ослободиме од обврските, па пресметуваме дека ќе заштедиме многу ако јадеме додека работиме. Не само што ќе се чувствувате лошо бидејќи „немате време ни да јадете на раат“, туку свесноста за тоа колку јадете ќе биде целосно намалена. Наместо да ја почувствувате аромата, вкусот, брзо ќе го проголтате оброкот без да бидете свесни што правите.

Избирате брза диета

„Никогаш нема да советувам брзи решенија, бидејќи оние диети кои велат да јадете само зелка или да пиете вода со лимон, можат да создадат дополнителни фрустрации. Ќе изгубите тежина, но има големи шанси да ја вратите за кратко време“, истакнува Смит.

Јадете пред екран

„Кога јадете со компјутер или телевизор пред вас или јадете додека се допишувате на мобилен, може да сметате и на зголемување на телесната тежина“, додава Ешани. Во тие моменти, вие сте повеќе фокусирани на екранот отколку на храната, што значи дека најверојатно ќе јадете многу повеќе.

Внесувате малку маснотии

Дефинитивно треба да бидете внимателни да не внесувате премногу маснотии, но исхраната со премалку маснотии ќе ви направи штета. Некои масти (авокадо, маслиново масло, путер од кикирики) нудат придобивки за здравјето на срцето кога се конзумираат умерено.

Јадете брзо

„Брзото џвакање може да доведе само до прејадување и секако зголемување на телесната тежина. Потребни се околу 20 минути за мозокот да регистрира дека сте сити, но ако јадете побрзо од тоа, знаете што се случува “, додава Ехсани. Вие исто така може да имате болки во стомакот после јадење таков оброк, бидејќи не ја соџвакувате храната убаво.

Избегнувате глутен

„Колку повеќе производи без глутен на полиците на продавниците, толку повеќе ми се чини дека повеќе луѓе посегнуваат по нив бидејќи мислат дека на тој начин ќе ослабат. За жал, тоа не е така и нема докази за тоа“, рече таа.

реклама

Најчестите грешки со кои ја уништувате самодовербата на детето

Read more

Што го возбудува вистинскиот Македонец?

Read more

Предизвик од 52 недели: Како да заштедите 1.400 евра за една година?

Read more

Пет држави кои му се враќаат на животот како пред пандемијата

Read more

Фит

Најдобрите чаеви за слабеење и забрзување на метаболизмот

Read more

Како да си го забрзате метаболизмот?

Read more

Зошто не треба да го држите телефонот в рака кога трчате?

Read more

Десет работи кои никој не ви ги кажува за стомачните мускули

Read more
 

Магазин

Рецепт на денот: Кремасто рижото со печурки и пармезан

Читај повеќе

Најчестите грешки со кои ја уништувате самодовербата на детето

Читај повеќе

Намирници кои го зајакнуваат имунитетот

Читај повеќе
  • play_arrow

Најдобрите чаеви за слабеење и забрзување на метаболизмот

Читај повеќе
  • filter

Се продава 8 века стар швајцарски дворец

Читај повеќе
  • play_arrow

Што ако би се телепортирале 200 години во минатото?

Читај повеќе

Што ќе се случи во вашето тело ако 7 дена не јадете слатка храна?

Читај повеќе

Што значи кога сонувате дека паѓате?

Читај повеќе

Што го возбудува вистинскиот Македонец?

Читај повеќе