Женева, 12 јули 2019 (МИА) – Околу 400.000 американски работници од сите профили биле опфатени во истражувањето со наслов „Довербата на работното место и ризикот од кардиоваскуларни заболувања”. Резултатите потврдуваат дека со имате неподнослив шеф, имате и поголеми шанси за срцев удар.
Можеби поедноставено е толкувањето објавено во Меѓународниот дневник за истражување на животната средина и здравјето, од Швајцарија, кое посочува дека лошата работа е поврзана со срцевите заболувања.
Најчести причинители за проблемите со срцето се цигарите, нездравата исхрана, алкохолот, но и стресот и психичкото малтретирање.
Па така, луѓето кои не му веруваат на својот шеф имаат поголема веројатност да посегнат кон цигарите и се поизложени на опасност од висок крвен притисок, холестерол и шеќер во крвта. Под недостаток на доверба во деловниот однос се подразбира состојба во која „не може да има заемно разбирање, искреност и почит меѓу претпоставениот и подредениот”, се вели во написот.
Значи, ако имате шеф кој не ве почитува, се изложувате на ризик од кардиоваскуларни болести, кои се најчеста причина за смрт во светот.
