Lotus се врти кон електричната иднина. Доказ за тоа се теренецот Emeya и седанот Eletre, а сега со тизер е најавен и нов електричен спортски модел.
Emira моментално е единствениот автомобил на Lotus со мотор со внатрешно согорување и ќе живее уште неколку години, но тоа не значи дека новата стратегија за електрификација не вклучува спортски автомобили. Првиот од нив ќе дебитира во денеска (17 септември).
Две клипа објавени на социјалните мрежи ја најавуваат следната генерација на спортски автомобил, кој Lotus го нарекува Theory 1. Од она што може да се види, моделот има тенки задни светла од двете страни на натписот „LOTUS“, а има и спојлер со агресивен дизајн.
Името Theory 1 сугерира дека станува збор за концепт, но може да биде најава за евентуален сериски спортски автомобил или суперавтомобил. Се вели дека новото купе Lotus ќе пристигне во 2027 година и се развива под кодното име Type 135, но може да биде одложено поради проблеми со технологијата на батерии. Овој модел би станал ривал на претстојниот електричен Porsche Boxster/Cayman.
Гласините велат дека моќноста на електричниот спортски автомобил ќе се движи од 476 КС во основниот модел до 884 КС кај моделот со два електромотора. Овој модел треба да ги замени моделите Elise и Emira во понудата, а се базира на платформата LEVA на Lotus.
