Хрватскиот фудбалер Дејан Ловрен ја прослави победата на својата репрезентација над Шпанија, но ги прозиваше Шпанците и продолжи со препукување со Серхио Рамос.
Хрватска по тешкиот пораз од Шпанија во Елче (6:0) во Лигата на нации успеа на „Максимир“ вчера да се реваншира и да надомести со победа од 3:2.
Ловрен по мечот пред новинарите рече дека му пречела дрскоста на играчите на „Фуријата“.
„Ми сметаше дрскоста на Шпанците. Изгубивме 6:0 во Елче, ама сепак се поздравивме. А тие по последниот свиреж си заминаа без поздрав. Застана само Мората. Сум играл на многу големи натпревари, но вакво непочитување кон противникот, тоа уште не сум го доживеал. Затоа ми е уште повеќе драго што победивме. Ние сме светски вицешампиони и сега Шпанците го сфатија тоа“, рече Ловрен.
Преку социјалните мрежи, се пофали дека го удрил со лакт Рамос и за играчите на Шпанија рече дека се „пи*ки“.
„Драго ми е, го убив со лактот. Го убив. Ха-ха 3:2, па после ти зборувај на конференции, мајсторе... Сега уште Англија да ја победиме. Газиме, газиме...“, рече Ловрен.
