По натпреварот меѓу Канада и Хрватска, Дејан Ловрен коментираше пред данските и руските новинари за забраната за Русија за настап на Светското првенство.
„По натпреварот во кој неговата репрезентација ја победи Канада со 4:1, Ловрен застана расположен во микс зоната пред нашите новинари и неколку руски медиуми“, пишува дописникот на данскиот Bold и ги наведува прашањата кои му биле поставени на Ловрен и одговорите на капитенот на рускиот шампион Зенит:
Ве лути што Русија не е на СП?
„Секако дека да. Отсекогаш сум велел дека спортот и политиката мора да се разделат. Русија е одлична репрезентација и штета е што не се на Светското првенство. Но верувам дека работите наскоро ќе се сменат. Секогаш мора да размислувате позитивно“.
Велат дека Русија не е на СП затоа што започна војна во Украина?
„Дури и да е така, на Русија сепак требаше да ѝ биде дозволено да игра на Светското првенство“.
ФИФА им дозволи на странските фудбалери кои играат во Русија да одат во странски клубови. Вие сепак останавте во Зенит?
„Се двоумев што да направам. Многу размислував што да правам. Мислам дека останувањето во Зенит и да му помогнам беше вистинската одлука. Тренерот Далиќ ме поддржа. Тој рече дека треба да останам. Направив сè како што треба. Горд сум што сум капитен на Зенит“.
