Златан Ибрахимовиќ ќе го продолжи договорот со Милан на уште една година, објави Corriere della Sera.
Во Милано се задоволни од играта на 39-годишниот Швеѓанец, но и од неговото влијание врз остатокот од тимот кој се бори за титулата оваа сезона.
Corriere della Sera тврди дека благодарение на претходниот договор, Златан следната сезона ќе ја задржи годишната плата од седум милиони евра.
„Ако ме сакаат во Милано, ќе останам. Се вљубив во тимот. Кога ќе поминам еден ден без соиграчите, тоа е исто како да сум поминал еден ден без децата“, изјави неодамна легендарниот напаѓач.
Ибра се врати во Милан во јануари минатата година и постигна 11 погодоци на 20 настапи таа сезона. Оваа сезона тој постигна 14 погодоци на исто толку настапи во лигата и е четврти стрелец во првенството, постигнувајќи по еден гол во купот и во Лига Европа.
Неодамна беше поврзуван со враќање во Манчестер Јунајтед, но ја одби можноста и реши да остане во Италија, каде претходно играше за Интер и за Јувентус.