Помладо е послатко, а годините зрачат со искуство и самодоверба - но колку е младото премладо, а колку старото е премногу старо?
Ако не сте знаеле, постои математичка формула за пресметување на „социјално прифатливата“ разлика во годините меѓу романтичните партнери, а тоа е бројот на вашите години поделен со 2, а потоа додавате 7 години. Тоа треба да биде минимумот под кој не треба да оди.
Правилото почнува да важи на 14 години и за двајцата партнери, така што во случај постариот партнер да има 30, општествено прифатлив минимум е помладиот партнер да има 22, додека 50-годишник би бил со партнер кој е не помлад од 32 години, пренесува Yahoo Life.
Со еманципацијата на жените и намалувањето на родовите предрасуди, теоријата повеќе не важи само за мажите, а постарите жени кои избираат помлади партнери сега популарно се нарекуваат „пуми“ како еквивалент на постарите мажи кои бараат „спонзоруши“.
Браковите и врските со разлика во годините се сè помалку табу тема, а теоријата за половина од возраста плус седум како општествено прифатлива ја испитуваа научниците Брам Банк и Даглас Кенрик.
„Правилото помага да се задржите во опсег на возраст што ќе ви обезбеди заеднички интереси со вашиот партнер и веројатно ќе ви овозможи подобра комуникација“, вели експертот за односи Дејвид Бенет.
Експертот за запознавање и врски Керол Родерик вели дека не ги советува клиентите да го следат правилото по секоја цена, туку „ги охрабрува внимателно да размислуваат за горните и долните старосни граници, особено на страниците и апликациите за запознавање“.
Таа верува дека придржувањето до ограничувањата на правилата е помалку неопходно кога се среќавате со некого лично, бидејќи обично можете да ја процените зрелоста, виталноста и намерите на средбите во исто време кога ќе ја откриете неговата/нејзината возраст.
Исто така, треба да се забележи дека една студија од 2014 година во списанието Social Science Research Network покажа дека колку е поголем јазот во годините, толку е поголема веројатноста парот да се разведе. Паровите со петгодишна разлика во возраста имале 18 отсто поголеми шанси да се разведат, а стапката на развод скокнала на 39 отсто со десетгодишна разлика и 95 отсто со јаз од 20 години.
Така, иако не мора буквално да ги следите правилата, тие едноставно би можеле да ве водат кон некој со кој можете да создадете поодржлива врска.
