Луѓето кои одбиваат да се вакцинираат против коронавирусот во просек имаат помали когнитивни способности, утврди истражување на Pew Research Center. Резултатите се објавени во Brain, Behavior and Immunity.
Истражувањето е спроведено кај 11.740 луѓе на возраст од 16 до 95 години од кои 17,2% или 1.842 се изјасниле дека се колебаат околу вакцинирањето против вирусот.
Утврдено е дека одговорите зависеле и од возраста, етничката припадност, степенот на религиозност и политичката определба.
Студијата е спроведена откако биле објавени првите резултати од тестирањето на првата ефективна вакцина, односно во ноември и декември минатата година. Станува збор за вакцината на AstraZeneca.
Исходот од испитувањето на општите когнитивни функции е утврден според шест тестови во склоп на истражувањето на Understanding Society.
Донесени се следните заклучоци:
- младите се повеќе колебливи околу тоа дали да ја примат вакцината во споредба со постарите од 65 години
- Азијците најмалку, а Афроамериканците се најмногу колебливи
- атеистите се најмалку, а евангелските протестанти најмногу колебливи
- конзервативците се повеќе колебливи од либералите.
По исклучување на можноста на влијание на возраста, полот и етничката припадност, истражувачите сфатиле дека односот кон вакцинацијата значително зависи од когнитивните способности, односно дека и понатаму повеќе се колебаат оние кои имаат помали когнитивни способности.
Колебливоста зависела и од тоа колку е некој образован, тие што биле пообразовани биле помалку колебливи.
Истражувачите исто така утврдиле дека менталното и физичкото здравје не влијаеле на исходот на истражувањето.