Шпанскиот стратег Луис Енрике остана без работа откако минатото лето беше заменет од функцијата тренер на Барселона, а на неговото место дојде Ернесто Валверде од тимот на Атлетик Билбао. По едногодишна пауза, Енрике е подготвен да се врати на фудбалот.
Поранешниот тренер на Барселона се поврзуваше со тренерското место во Челзи, каде Антонио Конте е на раб на отказ поради несогласувања со раководството, но сега и Арсенал се споменува како можна дестинација за Шпанецот.
За тренер со резиме како она на Луис Енрике секогаш ќе има понуди од најголемите клубови во светот, земајќи во предвид дека тој работеше во две различни лиги и во три различни клубови досега. ПСЖ прв излезе како потенцијален вработувач на Енрике, но тој ќе почека да види дали најпрво ќе се ослободи место во еден од лондонските тимови, Челзи или Арсенал.
Луис Енрике од поодамна ја изрази неговата желба дека сака да ја продолжи кариерата во Премиер лигата, каде смета дека лигата е покомпетитивна од било кое друго место во Европа.
Спортскиот директор на ПСЖ, Антеро Хенрике го издвои Жозе Мурињо како наследник на клупата на Унаи Емери, но пред официјално да му понуди договор, сака да знае што одлучил Луис Енрике. Покрај ПСЖ, Челзи и Арсенал, како можна дестинација за Енрике се споменуваше и Милан, кој игра многу подобро во последниот месец, откако кормилото го презема Џенаро Гатузо.
