Уругвајскиот голгетер продолжува со одличните настапи по пресебата во Атлетико, а веќе постави и рекод.
Откако стана непожелен во Барселона, Луис Суарес се пресели во шпанската престолнина во редовите на Атлетико каде се препороди. Синоќа против Селта повторно погоди и сруши рекорд поставен од Кристијано Роналдо.
Уругваецот израмни на 1:1 во последната минута од првото полувреме, а пет минути по паузата уште еднаш ја затресе гостинската мрежа за пресврт и водство од 2:1. Потоа натпреварот заврши 2:2, но Суарес прослави свој рекорд.
Со овие два гола тој сезонава веќе има 16 голови кои ги постигна во 17 натпревари откако дојде во Мадрид. Со тоа, 34-годи[ниот Суарес стана најбрз играч кој постигнал 16 голови за ист клуб во Ла Лига во 21 век надминувајќи го досегашниот рекордер Кристијано Роналдо кој постигна 15 голови играјќи за Реал Мадрид во сезоната 2009/10.
Суарес сезонава е лидер на листата на стрелци во Ла Лига пред Лео Меси и Јунес Ен Несири кои имаат 13. Игра како препороден во Атлетико, па одлуката на Барса да му дозволи да го засили директниот ривал сега е предмет на потсмев кај многумина.
