Белгиецот синоќа ги собрал сите соиграчи и ги однел во јапонски ресторан за да им се заблагодари за тоа како го прифатиле во тимот.
Се чини Денот на благодарноста во Интер стигна порано. Благодарение на Ромелу Лукаку кој средата вечер им ја посвети на неговите нови соиграчи, собирајќи ги во елитен јапонски ресторан во Милано на позната улица Семпјоне.
Нормално, сметката на крајот ја платил Белгиецот.
Дел од амбиентот преку стори на Instagram сподели Антонио Кандрева, а во две видеа се гледа како Лукаку држи говор и им се заблагодарува на соиграчите.
„Фала ви на сите што сте тука. Многу сум среќен што сум со вас. Ви благодарам за помошта што ми ја пружате, оваа група е посебна“, рече Белгиецот на малку смешен италијански што предизвика и смеа помеѓу присутните.
Не е првпат играчите на Интер заеднички да отидат на вечера. Тоа го прават често уште генерации наназад. Но, за новакот Лукаку ова е прво вакво искуство.
Лукаку завчера против Бреша го постигна својот гол број 7 во дресот на Интер каде дојде на почетокот од август за 65 милиони евра од редовите на Манчестер Јунајтед.
Двете видеа можете да ги погледнете на Instagram профилот на Кандрева доколку кликнете тука. Но, побрзајте, ставени се синоќа и како и секои стори, нема вечно да траат.