Одењето на одмор ги тера богатите да размислат каде да одат и што да прават. Сега, една опција за оние со вишок пари е да купат луксузен кампер кој има простор дури и за нивното Bugatti.
Се вика Volkner Mobil Performance S и е луксузно опремена камп-куќа за некој со неколку милиони в џеб кои може да ги потроши за на одмор. Достапен е во многу различни варијанти, од кои секоја е прилагодлива за желбите на клиентот со длабок џеб.
Можеби најинтересниот додаток е гаражата на повлекување, која всушност не е вклучена во основната цена на камперот, која гласи 2,4 милиони долари, пишува DriveTribe.
На оваа веќе висока сума се додавата и бројни дополнувања за цената да порасне уште. Тука спаѓаат целосно опремен главен апартман, бања со нормална големина со посебен туш, соларен генератор од 2.000 вати кој ја полни батеријата, машина за еспресо на повлекување, звучен систем Burmester од 355.000 долари...
Ако ги сакате сите овие додатоци, ќе мора на почетната цена да додадете дополнителни 5,3 милиони долари, така што ова е всушност опција за оние кои имаат вишок од 7,7 милиони долари што би можеле да ги потрошат на ваков луксузен одмор.
