Компанијата што произведува возила од проектот „Cortege“ за рускиот претседател Владимир Путин прими нарачки за две години однапред, пишува Sputnik. До 2021 година се распродадени луксузните автомобили од марката Aurus.
Рускиот министер за индустрија и трговија Денис Мантуров претходно изјави дека 120 автомобили се планирани за производство во 2019 година, а половина од нив ќе бидат наменети за Федералната служба за безбедност, чија задача е да го обезбедува Путин.
Остатокот од автомобилите ќе биде за владини претставници или поединци. Во линијата на Aurus се вклучени лимузина, седан и минибус. Нивната цена од прилика ќе се движи од околу 134.000 евра.
Претходно месецов автомобилите Aurus му беа презентирани на египетскиот претседател Абдел Фатах ал-Сиси во текот на официјалната посета на Сочи. И Обединетите Арапски Емирати покажаа интерес за купување на овие автомобили.
