Профилот Maps are amazing на Instagram неодамна сподели мапа на која се гледа кои Европејци се справуваат со најмногу гнев и лутина на дневна основа.
Македонците изгледаат како да имаат краток фитиљ, па не залудно се вброија меѓу Европејците кои најмногу се лутат. Оваа интересна мапа тврди дека 26 отсто од граѓаните во Македонија секојдневно се гневни.
Првото место го зазеде Турција, каде 48 отсто од населението секојдневно изразува одредена доза на гнев и лутина. На второ место е Македонија, а по нас следат Малта и Полска со 24 проценти.
Кога станува збор за земјите од регионот, Србија има ист процент како БиХ -22, додека за Хрватска и Словенија пишуваат дека само 14 отсто од населението има такви реакции.
Земјите со најмал процент на дневен гнев се Финска (5 проценти), Естонија (6 проценти), Холандија (8 проценти) и Португалија (8 проценти). Интересно е што речиси цела Европа има процент помал од 26.
Овие податоци се базирани на истражувањето на Gallup Global Emotions. Примерокот е направен меѓу популацијата на возраст над 15 години. Индексите се пресметани од анкети спроведени во 122 земји во текот на 2021 година и почетокот на 2022 година.