Портпаролот за односи со јавноста на Бразил ги остави новинарите шокирани кога од масата фрли мачка која ја прекина прес-конференцијата пред четвртфиналниот натпревар на Светското првенство меѓу Кариоките и Хрватска.
Напаѓачот на Реал Мадрид, Винисиус одговараше на прашања на новинарите кога мачката скокна на масата и се упати кон неименуваниот портпарол, кој седеше до ѕвездата на „Кралевите“.
Бразилскиот ПР потоа ја погали, па ја зграпчи и ја фрли од масата, оставајќи ги присутните новинари изненадени од потегот.
Откако ги крена рамениците, тој брзо го побара следното прашање од претставникот на медиумите, додека Винсиус се насмеа на необичната сцена.
Хрватска и Бразил го отвораат четвртфиналето на Светското првенство со меч со утрешниот натпревар од 16 часот. Хрватска се пласираше меѓу осумте најдобри по подоброто изведување пенали против Јапонија, додека Бразил беше убедлив против Јужна Кореја.