Ако направиме споредба на државите ширум светот, во однос тоа кое милениче повеќе го преферираат нивните жители, мачките се во водство пред кучињата.
Истражувањето направено од Budget Direct користејќи податоци преку Instagram открива кое милениче во која земја е најпопуларно.
Мачките се омилено милениче во 91 држава во светот, наспроти кучињата кои се во 76, додека во 3 држави се израмнети.
Омилено милениче на жители на Русија, Канада, Германија, Италија, Египет, Аргентина, Иран и Кина се мачките. Кучињата се број еден во САД, Бразил, Франција, Шпанија, Обединетото Кралство, Индија, Австралија.
На Балканот, мачките доминираат во Грција, Македонија, Босна и Херцеговина, Бугарија, додека кучињата во Албанија, Србија, Црна Гора, Косово, Хрватска и Словенија.
Иако жителите на Обединетото Кралство преферираат кучиња, во главниот град Лондон мачките се главни.
Три држави каде оваа битка е егал се Чешка, Колумбија и Чиле.
Во САД во дури 38 сојузни држави доминираат кучињата, а во 12 мачките. Нерешено е само во Федералниот округ Колумбија.
Во Австралија, интересно, само жителите на Тасманија преферираат мачки.
