Мачу Пикчу, древниот град на Инките, бил населен неколку децении порано отколку што првично се веруваше, покажа најново истражување.
Според соопштението на Универзитетот Јејл, ова го откри тим предводен од археологот Ричард Бургер и истражувачи од неколку други американски институции. Резултатите од истражувањето се објавени во Antiquity.
Според нив, древниот град бил во употребна децении претходно од тоа што првобитно се мислеше, односно во периодот од 1420 до 1530 година, се наведува во соопштението за јавноста.
На основа на историски документи, научниците претходно веруваа дека Мачу Пикчу е подигнат меѓу 1440 и 1450 година.
„Досега процените за староста на Мачу Пикчу беа основани на контрадикторни историски извештаи напишани од Шпанците во периодот по шпанското освојување. Ова е прво истражување засновано на научни докази кое дава процена за основањето на Мачу Пикчу и траењето на неговата окупација, давајќи ни појасна слика за потеклото и за историјата на локацијата“, објасни Бургер.