Американската пејачка Мадона ќе го прослави својот 66. роденден на 16 август, а според извештаите на Mirror, прославата ќе се одржи во древните урнатини на Помпеја. Наводно на забавата ќе има 500 гости, а сите ќе се забавуваат во амфитеатарот „Театро Гранде“. Иако настанот сѐ уште не е официјално потврден, градоначалникот на Помпеја изјавил дека се подготвени да ја пречекаат пејачката.
Иако градоначалникот Кармине Ло Сапио изрази ентузијазам за одлуката на Мадона да го прослави роденденот во Помпеја, многу Италијанци не се воодушевени. Остро го критикуваат изборот на локацијата и информацијата дека наводно потрошила само 30.000 евра за резервација.
„30.000 евра се апсурдни. Тоа е како да ја добиеш Помпеја на подарок“, рече Микеле Кампизи, генерален секретар на здружението за зачувување на наследството, Italia Nostra. Додаде дека не му е јасно зошто Мадона треба да го слави роденденот во Помпеја наместо на некоја убава плажа.
Розана Кариери, претседател на културното здружение Mi Riconsci, додаде дека италијанското наследство не треба да се користи како сценска заднина за ексклузивни настани.
Раководството на археолошкиот парк демантираше дека пејачката, која веќе е во Италија, може да го прослави роденденот во „Театро Гранде“.
