Познатата поп-пејачка Мадона ужива во новата љубовна врска со Ендру Дарнел, 23-годишен манекен.
Неодамна, двајцата позираа за насловната страница на магазинот Paper. Во интервјуто за магазинот, Мадона зборува за нејзината потреба да ја „провоцира“ публиката и за нејзината умешност, но и за тоа како не сака да се повторува, па секогаш трага по нешто оригинално.
„Сетете се на моите песни „Like A Virgin“, „Material Girl“, „Express Yourself“'. Ги пеев за да ги зацврстам жените. Претходно музиката беше фокусирана на мажи. Сакав на жените да им порачам дека не треба да живеат во светот на мажи и дека можат без страв да го кажат тоа што го мислат“, изјави таа.
Мадона и нејзиниот нов дечко викендов со пријатели присуствуваа на концерт во Њујорк.
„Се трудат да си ја зачуваат приватноста. Мадона конечно си ја пронајде среќата“, изјави неименуван извор за Page Six.
Ендру соработува со светски познатата модна агенција IMG, која ги прослави Кејт Мос и Бела Хадид. Исто така, глумеше во тинејџерската серија „Betty“.
Претходно, Мадона раскина со 28-годишниот кореограф Ахламалик Вилијамс.
