Кошаркарите на Бостон ја победија Филаделфија во решавачкиот седми меч со резултат 112:88 и се пласираа во финалето на плеј-офот од Источната конференција на НБА лигата.
Бостон до победата го предводеше маестралниот Џејсон Тејтум, кој постигна дури 51 поен, што е апсолутен рекорд во НБА кога се во прашање решавачките седми натпревари во плеј-офот.
Тејтум забележа 13 скока и 5 асистенции, а двоцифрени беа и Џејлен Браун со 25 и Малколм Брогдон со 12 поени.
На спротивната страна, Тобијас Харис беше најефикасен со 19 поени, а МВП-то на лигата Џоел Ембиид одигра многу лошо - постигна 15 поени со очајни 5/18 од поле.
Бостон во финалето на Истокот ќе игра против Мајами, а на Запад ќе играат ЛА Лејкерс и Денвер.
