Подгответе вкусни, брзи и едноставни мафини со бела чоколада и јагоди.
Состојки:
2 јајца
100 мл млеко
150 грама маргарин
150 грама шеќер
1 ванилин шеќер
200 грама брашно
Половина кесичка прашок за печење
200 грама јагоди
100 грама бело млечно чоколадо
Подготовка:
Во длабок сад ставете го маргаринот, кој пртходно ќе го растопите, потоа додадете ги шеќерот, ванилиниот шеќер, млекото и јајцата. Во брашното ставете го прашокот за печење и добро измешајте, потоа додадете ги во садот со преостанатите состојки и добро измешајте за целата смеса добро да се соедини.
Така приготвената смеса ставете ја во калапи за мафини, врз секој калап ставете ситно сецкана бела чоколада и ситно сецкани јагоди. Печете 30 минути во загреана рерна на 200 степени. Пријатен апетит.