Со зголемувањето на температурите во Јужен Авганистан, таксистите во Кандахар смислија уникатно решение за да се спасат себеси и своите патници од екстремната горештина.
Авганистан, една од најсиромашните земји во светот, е исто така меѓу најранливите на ефектите од климатските промени. Земјата е изоставена од разговорите на Обединетите нации за климата откако Талибанците ја презедоа власта во август 2021 година, откако силите предводени од САД ја напуштија земјата.
Таксистите се жалат дека станало екстремно жешко во последните три до четири години. Климатизацијата во старите автомобили Corolla често не работи, а поправките се премногу скапи. Но, слоганот „направи сам“ ги роди домашните клима уреди. Најважно е што патниците не се жалат, пишува BBC News.
Таксистите во Кандахар смислија уникатно решение за да се спасат себеси и своите патници од жештината. Тие користат домашни системи за ладење за да се справат со топлината од 40°C. Системите, кои чинат 3.000 авгани (околу 36 евра), се поврзани со батерија и соларни панели монтирани на таксијата.
Сините таксија сега имаат клима уред монтиран на покривот со издувно црево кое дува ладен воздух низ прозорецот на совозачот. Единствениот проблем со оваа импровизација е што уредот треба рачно да се дополнува двапати на ден.
