Водителката од Окленд, Џесика Тајсон, имаше непријатно искуство додека известуваше од терен за емисијата „Te Ao with Moana“. Имено, за време на налет на ветер галеб пред камера ѝ се заби в лице.
Го покри лицето со рацете и опцу. Откако рече дека ја боли окото, снимателот ѝ рече дека крвари. Снимката ја сподели на социјалните мрежи, пишувајќи:
„Кога само се обидуваш да си ја завршиш работата, но природата има други планови.“
Видеото го привлече вниманието на бројни корисници на социјалните мрежи кои ѝ посакаа брзо закрепнување и рекоа дека не знаат како би се справиле во ваква ситуација.
„Ова би ме шокирало“, „Толку е убава, птицата е љубоморна“, „Би се откажала по ова“, „Галебот ја зашамара“, се некои од коментарите.
Новозеландската водителка објави фотографија од раната што ја здоби и напиша: „Сè е во ред. Имам само мала лузна над окото.“
