Заштитната опрема за мотоцикли можеби е непријатна за носење, но дефинитивно спасува животи, како што покажува примерот од Калифорнија.
Полициска потера по мотоциклист беше снимена во Јужна Калифорнија пред неколку дена. Полицијата се обидела да го запре мотоциклистот во близина на Дауни, на околу 21 километар од Лос Анџелес, но тој се дал во бегство. Кога преминал од автопатот 604 на автопатот 405, брзината значително се зголемила, достигнувајќи брзина од 223 км/ч, а акцијата ја прател и хеликоптер на каналот ABC7. Снимката го прикажува мотоциклистот како се пробива низ сообраќајот со двојно поголема брзина од дозволената на слабо осветлениот автопат.
Сепак, во еден момент, мотоциклистот закачува еден од автомобилите со брзина од 210 км/ч, по што лета низ воздухот, паѓа и почнува да се лизга по автопатот исто како мотоциклот.
Ова е една од оние несреќи каде што многумина би биле сигурни дека мотоциклистот загинал, без разлика дали од првичниот удар, падот, судир со друг автомобил или прегазување, сепак, тој не само што преживеал, туку станал и почнал да бега. Сепак, полицијата на крајот го стигнала и го уапсила.
Неговата заштитна опрема му го спасила животот и не бил сериозно повреден, но сега се соочува со обвиненија кои се многу посериозни од оригиналната казна за пребрзо возење, која се обидел да ја избегне.
