Италијанските готвачи ги предупредија туристите да бидат претпазливи со рестораните со т.н. паста прозорци во Италија, бидејќи тие често се сметаат за туристички стапици.
Овие ресторани имаат отворени кујни свртени кон улицата, каде што персоналот, обично жени, рачно подготвуваат свежа паста додека минувачите го гледаат процесот. Ваквите сцени стануваат сè почести во Италија.
Микеле Паскарела, готвач од Неапол и сопственик на ресторанот Napoli on the Road во Лондон, изјави за Metro дека никогаш не би посетил ресторан со ваков концепт.
„Никогаш не сум видел вистински ресторани во Италија кои прикажуваат луѓе како прават паста во своите прозорци. Ако некое место го прави тоа, тоа е обично повеќе кичеста туристичка стапица отколку автентичен ресторан“, рече тој.
Додаде дека е особено вознемирен од претставувањето на ваквите прозорци како традиција.
„Не би го нарекол традиција ставањето работници во прозорците како манекени. Тоа ја претвора нивната работа во спектакл и, според мене, го обезвреднува и занаетот и луѓето зад него. Нема ништо автентично во тоа. Тоа е туристичка стапица“, рече тој.
Софи Минкили, коосновачка на Via Rosa Italy, компанија што организира гастрономски тури низ Рим, за The Washington Post изјави дека фокусот на свежа паста е исто така проблем, бидејќи италијанската кујна всушност се базира на суви тестенини. Се вели дека многу традиционални италијански јадења, вклучувајќи карбонара, аматричиана и спагети але вонголе, се прават со суви тестенини.
@tranellitravels Restaurant with a pasta making window 🇮🇹🍝 “The traditions of the recipes are secret and have been handed down from mother to daughter. In every recipe there are secrets and precautions that are transmitted with attention and care over the years.” “The pasta shop window is a symbol of transparency and pride in showing the hard work behind every plate. The choice to use fresh, self-produced ingredients, such as tomatoes and potatoes, reflects the passion for quality and attention to provenance.” ~ Osteria website #rome #roma #milano #milan #bologna #handmade #handmadepasta #pasta #pastafresca #freshpasta #italy🇮🇹 #italyfood #ciboitaliano🇮🇹 #nonnairis #pastalovers #cucinadellanonna #OsteriaDaFortunata #CucinaAutentica #Cuoreromano #osteriaromana #pastalover #mangiaroma #osteria #ristorante #primipiatti #fattoamano #fattoamanoconamore #tripadvisor ♬ La vita è bella: Main Theme - Renaud Capuçon
