Тиктокери спроведоа луд план: Се криеле во тоалет 27 часа и бесплатно го гледале ЛШ финалето

Двајца Белгијци, популарни на социјалната мрежа TikTok, минатиот викенд поминале 27 часа заклучени во тоалет на стадион за бесплатно да го гледаат финалето на Лигата на шампионите.

Нил Ремери и Сене Хавербеке гледаа ПСЖ како го демолира Интер со 5:0 и ја освои својата прва европска титула во својата историја.

Но, за разлика од десетици илјади други навивачи, Нил и Сене не платија за билети. Наместо тоа, се скриле во тоалетите на „Алианц Арената“ во Минхен за бесплатно да го гледаат натпреварот.

Дуото се протнало во стадионот во Минхен и се заклучило во тоалетот. На вратата залепиле знак „не е во употреба“, кој го направиле самите, за да не го користи персоналот на стадионот.

Таму поминаа 27 часа, обидувајќи се да бидат тивки за никој да не ги открие. Нивниот план вроди со плод.

„Имавме ранец полн со грицки и игравме игрици на телефоните за да го поминеме времето. Светлата беа постојано вклучени, а седењето беше непријатно, па спиењето беше речиси невозможно. Тоа беше тежок предизвик и физички и ментално“, изјави Ремери за VRT News.

Штом слушнале дека навивачите го наполниле стадионот и почнале да ги користат тоалетите, решиле да излезат од своето скривалиште. Без никакви проблеми го поминале обезбедувањето и се приближиле до групата од 86.000 навивачи кои го гледаа натпреварот во живо на „Алианц Арена“.

Нил Ремери и Сене Хавербеке случајно се нашле во делот со најстрасните навивачи на ПСЖ, и бидејќи резултатот беше во корист на тој тим, одлично се забавуваа.

Во меѓувреме, навивачите кои влегоа преку конвенционалните начини платија помеѓу 90 и 950 евра за билети.

@neal_senne Inbreken Champions League Finale ⚽️🏆 #fyp #foryou #fy #voorjou #belgium #belgie #viral #nederland #netherlands #championsleague ♬ origineel geluid - Neal & Senne