Ако се чудите како некои луѓе во текот на неделата може да направат комбинација од џудо тренинг, часови по јога и одење на балет, треба да знаете дека тајната на успехот се состои во правењето распоред и постепениот почеток на вежбањето.
Ако сте почетник, не претерувајте со вежбање во првата фаза. Најоптимално е да почнете со два тренинзи неделно, па после еден месец вежбање, два или три пати зголемете го интензитетот со вежбање дополнителен ден во неделата.
За вежбачи на средно до напредно ниво, вашата цел треба да бидат четири до пет тренинзи на неделно ниво, со појак интензитет.
Одберете различни видови на тренинзи во кои ќе уживате, бидејќи на тој начин најголема е веројатноста да бидете редовни и истрајни во вежбањето. Идеалната комбинација се состои од два или три тренинзи за сила, два или три кондициони тренинзи, а потоа една или две сесии за закрепнување, со јога, истегнување, пливање или долга прошетка.
На скекои четири до шест недели направете промена во фреквентноста, интензитетот, времето или типот на вежби. На пример, зголемете ја тежината што ја кревате кога правите вежби за сила, зголемете го отпорот на велосипедот или променете го темпото на трчање.
За да успеете во вашите намери, мора да имате јасно поставена крајна цел на вежбањето.
Ако сакате да изгубите тежина, обидете се со мешавина од тренинзи за сила со кардиофокусирани кондициски вежби. За поголема флексибилност вежбајте јога или пилатес. Добро испланирајте ги тренинзите за целата недела и држете со распоредот.
Не заборавајте дека ви се потребни ден-два одмор, дури и на нивото со најголем интензитет на вежбање.
