Движењето по оброкот е еден од наједноставните, а научно поткрепени чекори за подобра здравствена состојба.
Истражувањата покажуваат дека дури и 10–15 минути лесна активност веднаш по јадењето значително го намалува скокот на шеќерот во крвта, го олеснува варењето и го подобрува расположението.
Кога по јадењето продолжуваме да седиме, шеќерот од оброкот побавно влегува во мускулите, а панкреасот мора да лачи повеќе инсулин. Со лесно движење, мускулите се контрахираат и „влегуваат" во акција, па гликозата побрзо се троши за енергија. Ова помага да се избегнат нагли скокови на шеќер, да се намали ризикот од инсулинска резистенција и долгорочно да се поддржи метаболичкото и срцевото здравје.
Покрај тоа, движењето по оброкот го стимулира варењето, го намалува чувството на тежина и подуеност и помага против рефлукс, бидејќи телото останува исправено наместо да легне веднаш. Дури и кратки паузи со лесни вежби во текот на денот можат да го намалат нивото на гликоза за околу 17% во споредба со долго седење.
За оние кои не можат да излезат на прошетка веднаш после јадење поради просторни ограничувања, истите придобивки може да ги постигнат со серија едноставни вежби што се изведуваат во дневната соба или меѓу бироата на работа.
Во продолжение следуваат две видеа со лесни рутини: едната е пократка и со понизок интензитет, а другата малку подолга и поинтензивна, за да можете да изберете според времето и енергијата што ја имате. Бројот на повторувања зависи од вашето ниво на подготвеност - почнете постепено и градете на тоа.
