Иако порано се дискутираше дали е подобро да се јаде пред или после тренинг, повеќето тренери денес потенцираат дека лесен оброк пред вежбање е корисен.
„Она што го јадете пред тренингот помага да го издржите и одржите интензитетот за да го извлечете максимумот од вежбање“, вели тренерот Тони Гентилкор.
Тренерот и диететичарот Алберт Матени предупредува дека погрешниот избор може да има спротивен ефект.
„Може да одработите одличен тренинг заради она што сте го јаделе или храната може да ви го расипе тренингот“ објасни тој. Затоа, експертите потенцираат неколку видови на храна што најдобро се избегнува пред вежбање.
1. Тешка и мрсна храна
Мрсни и тешки јадења, како што се месо, јаткасти плодови или маслиново масло, го забавуваат варењето на храната и можат да создадат чувство на тежина. „Избегнувајте обилни и мрсни оброци бидејќи тие често предизвикуваат летаргија и гадење за време на тренинзите“, предупредува Гентилкор. Личниот тренер Тејлор Биб додава: „Храната богата со масти или протеини не е идеална пред кардио вежби затоа што останува во стомакот долго време“.
2. Млечни производи
Млечните производи, како што се млеко и јогурт, исто така се бавни за варење. „Ова го пренасочува крвотокот од мускулот до дигестивниот систем и може да предизвика замор или гадење“, објаснува Матени. Некои луѓе исто така имаат грчеви во стомакот ако консумираат млеко пред тренинг.
3. Храна богата со растителни влакна
Иако влакната се важни за здравјето, тие не се најдобриот избор непосредно пред вежбање. „Треба време за телото да ги разгради“, вели Матени. Мешунките и целите зрна можат да предизвикаат надуеност, гасови и грчеви, така што подобро да ги оставите за подоцна во текот на денот.
4. Лута храна
Лутите зачини го зголемуваат ризикот од киселини. „Кога тренираме, крвта оди во мускулите, а не на дигестивниот систем, така што храната останува подолго во стомакот“, објаснува Матени. Ова, во комбинација со движење, може да предизвика киселини и непријатност.
5. Газирани пијалаци
Пиењето газирани пијалаци пред тренинг може да доведе до болка во стомакот и гадење. „Движењето на горе и долу го стимулира враќањето на храната и киселината од дигестивниот тракт, што предизвикува рефлукс“, вели Матени.
На крај, експертите препорачуваат да внесувате лесно сварливи јаглехидрати и помалку протеини пред тернинг.
„Сакам на моите клиенти да им препорачувам овошје, оризови крекери или протеински пијалоци“, вели Гентилкор.
Биб советува дека е најдобро да го слушате сопственото тело и постепено да испробате што ви одговара најдобро. „Некои луѓе не можат да јадат пред да вежбаат, додека на други тоа им помага - најважно е да ја прилагодите исхраната на вашите сопствени потреби“, заклучува таа.
