Од моментот кога ќе го кажете „судбоносното да“, си немате „обезбедено“ среќа до крајот на животот. Бракот бара многу труд и вложување.
Понекогаш напорите кои ги вложуваме делуваат, некогаш не, не е сѐ и секогаш идеално, а во тешките моменти знаеме да се обратиме за совет кај најблиските.
Без разлика дали сте побарале совет или не, некои мислења, колку и да звучат добронамерно, не се добар совет и не треба да ги слушате.
Ова се трите најчести добронамерни брачни совети што не треба да ги слушате:
Недела или две, па и еден месец без секс не мора да значат дека имате проблеми во бракот. Меѓутоа, сексот е важен дел од брачниот живот, а некои би рекле и барометар за врската, па ако не сте интимни подолго време со партнерот, некаков проблем сепак постои.
Прво и најважно, треба да разговарате со партнерот за да утврдите кој е проблемот, а потоа заедно да најдете решение. Ако и двајцата молчите и само претпоставувате каде е проблемот, тој нема да се реши сам од себе, само ќе ја зголемува фрустрацијата и ќе предизвика повеќе проблеми.
Советот дека треба да направите нешто посебно за својот партнер – вечера, патување, секси долна облека... на прв поглед изгледа супер, но исто така создава премногу притисок. Не мора и не може секој момент со партнерот да биде од оние посебните за паметење, таквите искуства доволно е да ги има повремено и да бидат посебни.
Она на кое треба да внимавате е да бидете присутни во моментите поминати заедно, а тоа значи да слушате, да комуницирате, да не мислите на никого и на ништо друго. Тоа е најбесценето од сѐ.
За жал, премногу често го слушаме советот дека дете ќе ја зацврсти врската што е разнишана од други причини. Ваквиот совет можеби е добронамерен, но е погрешен од многу аспекти.
Ако вие двајца не функционирате како двојка, голема е веројатноста дека нема да функционирате како партнери во родителските обврски. Затоа, наместо да се „фрлите“ на правење дете, вложете ги напорите во подобрување на врската.
