Сексот во вода можеби изгледа како фантазија од филмовите, но реалноста често е помалку гламурозна и може да биде опасна по вашето здравје.
Еве што треба да знаете пред да одлучите да го пробате.
Оштетување на вагиналната слузница
Слузницата на вагината служи како заштита од бактерии и повреди, но топлата вода во базен или џакузи, особено хлорот, може да го наруши балансот на слуз и да го зголеми ризикот од инфекција.
Непријатност и болка
Природното подмачкување се мие во вода, што може да доведе до непријатност и болка за време на сексуалниот однос. Ако одлучите да имате секс во вода, размислете за користење на лубриканти, иако нивната ефикасност може да биде ограничена.
Вагинални инфекции
Хлорираната вода може да предизвика појава на габични и бактериски инфекции кај жените, а кај луѓето склони кон такви инфекции, сексот во вода може да ги зголеми шансите за нивен развој. Исто така, ризикот од пренесување на сексуално преносливи болести се зголемува и кај двајцата партнери.
Осип и фоликулитис
Псевдомонас фоликулитисот е честа појава за време на секс во вода, особено во базени и кади. Оваа инфекција предизвикана од бактеријата Pseudomonas aeruginosa се манифестира како осип проследен со силно чешање, кое обично трае најмалку една недела.
Ако сепак сте решени да пробате секс во вода, еве неколку практични совети за побезбедно искуство:
Користете простирки што не се лизгаат под туш и избегнувајте акробации - можни се повреди.
Користете лубриканти, иако нивниот ефект може да биде краткотраен поради водата и хлорот.
Ако имате алергија на хлор, не заборавајте на антихистаминици.
Сексот во вода може да биде возбудливо искуство, но доаѓа со одредени здравствени ризици кои треба да се земат предвид.
