Германецот Фин, кој живее во Скопје и е познат по своите видеа на социјалните мрежи во кои ја промовира Македонија, овој пат се соочи со непријатно искуство.
Одлучил да го проба градскиот воз и од Главната железничка станица во Скопје да патува до Драчево. Прво се изненадил кога при купувањето билет не можело да се плати со картичка, туку само во кеш.
Потоа ново изненадување. Гужва на станицата, а возот со само еден вагон. Се качил.
Мислел дека патувањеето ќе биде десетина минути, со оглед на блискоста, но се шокирал кога во Драчево стигнал по дури еден час.
Вели дека никогаш повеќе нема да се качи на македонски воз.
„Готово со македонскиот воз. Никогаш пак. Извини. Немам ништо против Македонија“, вели на крајот од видеото.
