В петок вечер се игра најголемото фудбалско дерби во државава, Вардар - Пелистер.
Ако се одлучите билет да си набавите онлајн, а сте добар познавач на домашниот фудбал, веројатно ќе се посомневате дека нешто не е во ред. Веб-страницата за онлајн продажба на билетите за ова дерби ќе ве пречека со измислени амблеми на двата клуба.
Ниту Вардар, ниту Пелистер некогаш имале вакви амблеми. Ниту, пак, станува збор за нови.
Кој и да ја правел насловната фотка, многу нѐ интересира како успеал да стави непостоечки амблеми. Или можеби побарал помош од некој онлајн AI четбот?
Со вакви измислени амблеми повеќе делува дека е небаре лажна страница која ќе ве измами.
Ајде да видиме што е проблемот:
Делува прилично слично и лесно човек може да не примети, особено ако не е навивач на Вардар и не прати многу македонски фудбал. Но, разликите се сепак очигледни.
Кај Пелистер разликата е запрепастувачка. Целиот амблем има друг облик, воопшто не наликува на вистинскиот, освен тоа што е во зелена и бела боја.
