Ако не сте сигурни што да јадете за ручек, пилешкото месо и пиперките се добра идеја, особено ако сакате нешто различно за ручек со овие состојки. Плус, тие се многу лесни за подготовка и многу вкусни.
Рецептот го најдовме на YouTube каналот Kuhinja za 10, каде што можете да најдете многу идеи за солени оброци.
Потребни состојки:
- пилешки гради
- маслиново масло
- 1 кромид
- сол
- бибер
- чадена црвена пиперка
- соја сос
- 200 мл павлака за готвење
- магдонос
- пиперки (црвени или жолти)
- пармезан или моцарела
Подготовка:
Исечете го пилешкото бело месо на коцки и зачинете го со маслиново масло, сол, бибер и црвена пиперка, а потоа добро измешајте. Ситно исечкајте го кромидот и пржете го околу 5 минути, потоа додадете го месото и пржете уште 6 до 7 минути додека лесно не порумени.
Додадете го соја сосот, павлаката за готвење и свежиот магдонос и оставете да се крчка неколку минути на тивок оган. Исечете ги пиперките по должина и обликувајте ги во чамци, а потоа наполнете ги со подготвеното месо.
Печете во претходно загреана рерна на 220°C околу 15 минути. Кон крајот, наросете со рендан пармезан или моцарела и печете уште 5 минути додека сирењето не добие златнокафена боја.
