Брз и едноставен десерт е идеален за студените зимски денови - чоколаден мус со тиква кој можете да го подготвите за кратко време - не бара многу време или труд.
Кремаст и со богат вкус, овој мус е совршен избор за љубителите на тиква и чоколадо.
Состојки:
1 порција смеса од тиква (печена и пасирана тиква)
75 г темно чоколадо
1 лажичка кокосово масло
Подготовка:
Растопете го темното чоколадо и додадете една лажичка кокосово масло стопено на пареа или во микробранова печка. Откако ќе ја испечете тиквата, изгмечете ја и додадете го растопеното чоколадо, а потоа добро измешајте додека не добиете мазна и кремаста смеса.
Поделете ја смесата во мали чинии или чаши по желба. Ставете го мусот во фрижидер неколку часа за да се олади и да се стврдне.
По желба, можете да го декорирате десертот со чоколадни трошки, кокос или јаткасти плодови. Пријатно!
